Սահմանադրական դատարան անհատական դիմում կարող է ներկայացնել ֆիզիկական կամ իրավաբանական անձը դատական պաշտպանության բոլոր միջոցները սպառելուց՝ վերջնական դատական ակտն օրինական ուժի մեջ մտնելուց ոչ ուշ, քան վեց ամիս հետո:

Դիմումում նշվում են՝

1) Սահմանադրական դատարանի անվանումը.
2) դիմողի անունը (իրավաբանական անձի դեպքում՝ անվանումը), հաշվառման (իրավաբանական անձի դեպքում՝ գտնվելու վայրի) կամ բնակության վայրի հասցեն, եթե այն տարբերվում է հաշվառման հասցեից. եթե դիմողը հանդես է գալիս ներկայացուցչի միջոցով՝ դիմողի ներկայացուցչի անունը, հաշվառման կամ բնակության վայրի հասցեն, եթե այն տարբերվում է հաշվառման հասցեից
3) Սահմանադրության այն հոդվածը, որը Սահմանադրական դատարան դիմելու հիմք է հանդիսանում (ՀՀ Սահմանադրության 169-րդ հոդվածի 1-ին մասի 8-րդ կետ).
4) Սահմանադրական դատարան ներկայացվող խնդրանքը և դիմողի փաստարկները` Սահմանադրության համապատասխան նորմերին կատարված հղումներով.
5) Սահմանադրության 168-րդ հոդվածի 1-ին և 5-րդ կետերով նախատեսված դեպքերում այն պետական կամ տեղական ինքնակառավարման մարմնի անվանումը կամ պաշտոնատար անձի անունը, որն ընդունել է վիճարկվող ակտը. Եթե դիմումն ըստ ձևի չի համապատասխանում «Սահմանադրական դատարանի մասին» ՀՀ սահմանադրական օրենքի 24-րդ և 25-րդ հոդվածների պահանջներին, ապա դիմողը եռօրյա ժամկետում Սահմանադրական դատարանի աշխատակազմի կողմից տեղեկացվում է այդ մասին` սույն օրենքի 24-րդ և 25-րդ հոդվածների այն պահանջների մատնանշմամբ, որոնք պետք է ապահովի դիմողը: Սահմանված կարգով տեղեկացվելուց հետո դիմողը դիմումը «Սահմանադրական դատարանի մասին» ՀՀ սահմանադրական օրենքի 24-րդ և 25-րդ հոդվածների պահանջներին համապատասխանեցնելուց հետո կարող է եռօրյա ժամկետում վերստին ներկայացնել Սահմանադրական դատարան: Նշված ժամկետում դիմումի համապատասխանեցումը սույն օրենքի 24-րդ և 25-րդ հոդվածների պահանջներին չապահովելու դեպքում դիմումը մեկօրյա ժամկետում վերադարձվում է դիմողին` բողոքարկելու կարգի մասին համապատասխան նշմամբ: Դիմումը վերադարձնելը դիմողը կարող է եռօրյա ժամկետում բողոքարկել Սահմանադրական դատարան: Սահմանադրական դատարան դիմելու համար սահմանված է տուրք՝ 30 000 դրամի չափով, որը պետք է փոխանցվի 900005001608 հաշվեհամարին: Փոխանցումը կարող է կատարվել նաև Վճարումների պետական էլեկտրոնային համակարգի միջոցով՝ https://www.e-payments.am:

Էլեկտրոնային եղանակով ներկայացված լիազորագիրը կամ ներկայացուցչի լիազորությունները հաստատող այլ փաստաթուղթը պետք է ներկայացնել վավեր էլեկտրոնային թվային ստորագրությամբ, իսկ նոտարի վավերացրած լիազորագրի առկայության պարագայում՝ ներկայացվում է այդ փաստաթղթի լուսապատճենված էլեկտրոնային օրինակը՝ AENIS համակարգում նոտարական ակտի տվյալները ստուգելու հնարավորությամբ